Valverde, Ligako hamaikako onenaren entrenatzailea UEFAren ustez

Ernesto Valverde Athleticeko entrenatzailea izendatu du UEFAk 2015-2016. denboraldiko BBVA Ligako hamaikako onenaren entrenatzaile. UEFAk Ligako hamaikako onena aukeratu du, eta Valverde izendatu du entrenatzaile.

"Ligako 20 entrenatzaileetatik 'Txingurri' da muga gehien dituena euskal taldearen filosofia bereziagatik. Muga horrez gain, Valverdek bosgarren kokatu du Athletic BBVA Ligako sailkapenean", publikatu du UEFAk bere webgunean.

Oblak; Filipe Luis, Godin, Victor Ruiz, Juanfran; Busquets, Modric, Griezman; Leo Messi, Luis Suarez eta Cristiano Ronaldo jokalariek osatzen dute BBVA Ligako hamaikako onena UEFAren ustez.

UEFAk publikatu duenez, "zerrenda horretatik at geratu diren beste jokalari batzuek ere merituak egin dituzte onenen artean egoteko" eta Pique, Iniesta, Saul Ñiguez eta Aduriz aipatu ditu.