Bilbao Athleticek burua altxa ezinda jarraitzen du (2-1)

Borja Garciak amaierarako bost minuturen faltan sartutako golak garaipena eman dio Gironari, Bilbao Athleticen aurkako partidan.

Cuco Zigandaren taldea ez da eroso egon eta defentsan asko sufritu dute, batez ere Girona hegaletatik sartzen saiatu denean. 21. minutuan, Florian Lejeunek etxeko taldea aurretik jarri du, korner bat buruarekin errematatuz.

Handik gutxira, 29. minutuan, bilbotarrek berdinketa egin dute. Aketxek gol bikaina sartu du, falta bat zuzenean jaurtita.

Azken hamar minutuetan, Gironak erasora jo du eta gol aukera argiak izan dituzte. Eta gola ere lortu dute. Borja Garciak egin du garaipenaren gola, Alamok eskumatik egindako erdiraketa errematatuz.

Fitxa teknikoa:

2 - Girona: Becerra; Aday (Álamo, 65. min), Kiko Olivas, Alcalá, Lejeune, Clerc; Pere Pons, Eloi (Borja García, 78. min), Granell, Felipe (Lekic, 45. min); eta Jairo.

1 - Bilbao Athletic: Jon Ander; Ramalho, Yeray, Unai Bilbao, Iriondo, Etxebarria; Vesga, Undabarrena, Unai López (Bengoa, 72. min), Aketxe; eta Santamaría (Guruzeta, 83. min).

Golak: 1-0, 21. min: Lejeune, 1-1, 29. min: Aketxe, 2-1, 84. min: Borja García.