Etxeita: 'Elxen aurkakoa partida arriskutsua da'

Xabi Etxeita Athleticeko jokalariak Elxeren aurkako partidaren arriskua azpimarratu du Lezaman emandako prentsaurrekoan. Elx sailkapeneko azken postuan da. Duela hilabete, Kordoba ere sailkapeneko azken postua zen eta 0 eta 1 gailendu zen San Mamesen.

“Aste honetan gogora ekarri dugu partida hori. Horrelako partidetan arazoak izan ditugu, batez ere etxean, eta arreta osoa jarri behar dugu, neurketa garrantzitsua delako. Elx sailkapeneko azkena den arren, ez da erraza izango”, esan du atzelari bizkaitarrak.

Etxeita hasierako hamaikakoa izateko aukera ugari ditu, eta Elx taldean jokatutako hiru urteez hitz egiteko hitz onak erabili ditu. Hirugarrenean, gainera, Lehen Mailara igo ziren. Etxeitak esan duenez, Elxen "lagunak eta lankideak" dauzka, eta haiekin "gauza garrantzitsuak" bizi izan ditu.