Kike Sola Betisen aurka aritzeko 'prest' dago

Kike Sola, Athleticeko aurrelaria, titularra izan daiteke, lehenengo aldiz denboraldi honetan, Betisen aurkako partidan. Aduriz lesionatuta dago, eta ezin izango du Benito Villamarinen jokatu. Sola zelai beran itzuli zen, urtarrilaren 8an, lau hilabeteko lesio baten ondoren.

Osasunatik etorritako fitxaketa ez da oraindik Ligan titularra izan Athleticekin, baina bere burua "prest" ikusten du. Benito Villamarinen jokatu zuen lesioa osatu zitzaionean, urtarrilaren 8an: "Kopako partidan bikain sentitu nintzen, baina ez nuen punteria behar bezala duitu".

"Partidarako hiru egun geratzen dira, eta oraindik ez dakigu nork jokatuko duen, baina prest nago", esan du Solak. Jokalariak leku berean egin zuen debuta Lehenengo Mailan, Osasunarekin, 2007ko ekainarne 9an, eta bere lehenengo bi golak sartu zituen.

Solaren arabera, "koska egitera irtengo da" Betis, salbazio postuetatik 10 puntura dagoelako, baina Athleticek ezin du aukera galdu: "Irabazle petoak gara, goian jarraitu nahi dugu, eta asmo handikoak izan behar gara, eta hasieratik partida irabaztera atera".