Harrobiko lana, eztabaidan, Lezaman

Gaur Athletic Clubek ECAren (Europar Kluben Elkartea) lantalde bat hartu du Lezaman.

Talde horrek futbol eskoletako jarduterik onenak aztertzen ditu (ECA Youth Working Group). Bileran honako klub hauek presente egon dira: Ajax Amsterdam (Holanda) FC Internazionale Milano (Italia) PFC CSKA Moskva (Errusia) Stade Rennais (Frantziar Estatua), NK Široki Brijeg (Bosnia eta Hertzegovina).

Athletic Club lantalde honen partaidea da. Azken helburua arautzaile, kirol-, akademi- eta heziketa- jarduterik onenak aztertzea da, harrobietan eta behe mailako taldeetatik lehen taldera doan ibilbidean lana hobetzeko xedez.

Josu Urrutia presidentea pozik azaldu da Lezaman egin den bilerarekin, 'garrantzitsua da Lezama harrobi lanean erreferente bat dela jakitea'.