Zigor handiegia jaso du Alavesek Madrilen (3-0)

Nikola Kalinic kroaziarrak, Antoine Griezmannek eta Rodrigo Hernandezek egindako golek puntu barik utzi dute Alaves arabarrek Wanda Metropolitanora 15. jardunaldian egindako bisitan. Atletico Madrileko jokalariek 25., 82. eta 87. minutuetan egin dituzte golak.

Kroaziarrak sabelaldearekin egin du errematea lehen golean, area txikian, Santiago Ariasek eskumako aldetik egindako erdiraketan.

Griezmann frantziarrak, berriz, bikain aprobetxatu du Vitolo taldekideak gidatutako kontraerasoa partida 82. Minutuan erabakita uzteko. Simeoneren taldea askoz hobeto aritu da sortutako aukerak aprobetxatzeko garaian.

Azken golean, Rodrigo Hernandez area txikian egin du errematea eta hiru puntuak Madrilen geratu dira.

Madrildarrak nagusi

Kalinicen gola lehen zatiak Atleticok erakutsitako nagusitasunaren ondorioa izan da.

Bigarren zatian, Alaves hobeto aritu da eta gola egiteko aukerak izna ditu, baina arabarrek ez dute asmatu.

Fitxa teknikoa

3 - Atletico Madril: Oblak; Arias, Savic, Lucas (Giménez, 35. min), Saúl; Correa, Thomas, Rodrigo, Lemar (Montero, 63. min); Griezmann, Kalinic (Vitolo, 56. min).

0 - Alaves: Pacheco; Martín Aguirregabiria (Sobrino, 80. min), Laguardia, Ximo Navarro, Duarte; Pina, Wakaso (Borja Bastón, 46. min), Manu García; Ibai Gómez, Calleri, Jony.

Golak: 1-0, 25. min: Kalinic. 2-0, 82. min: Griezmann. 3-0, 85. min: Rodrigo.