Hector Hernandez beste hilabetez egongo da bajan

Hector Hernandez Alaveseko jokalariaren sendatze-epea hilabete luzatuko da, gutxienez; izan ere, astelehen honetan astroskopia egin diote ezker belaunean.

Klubak argitaratu duen prentsa-oharraren arabera, Alavesen Realak utzita jokatzen ari den jokalariari Mikel Sanchezek egin dio ebakuntza, daukan tenosinobitisa gainbegiratzeko asmoz.

Jokalaria 24 orduren buruan aterako da ospitaletik, sendatze-prozesuari berriro ekiteko. Hilabete barru Sanchez medikuak berak gainbegiratuko du lesioaren nondik norakoak aztertzeko.

Hernandezek 15 minutu besterik ezin izan ditu jokatu Alavesekin denboraldi honetan (liga txapelketako lehen jardunaldian, Leganesen aurka, hain zuzen ere), eta, horrenbestez, datozen egunetan bi hilabeteko baja-aldia beteko du.