Zuazok aurrera egin du Erreginaren Kopan; Anaitasuna Errege Kopatik at geratu da

BM Zuazo Erregina Koparen bigarren errondarako sailkatu da, Ikasa Boadilla 21-24 garaituta, Boadilla del Monteko Udal Kiroldegian astearte honetan jokatutako partida bakarreko kanporaketan.

Bizkaiko taldeak lehen zatian (10-15) eta bigarrenaren hasieran (10-15) bideratuta utzi du kanporaketa, ia partida osoa lau puntuko aldeko errentarekin jokatu du baitu.

Helvetia Anaitasunak, ostera, ez du Errege Kopan aurrera egitea lortu, Alcobendasen aurka 29-23 galdu duelako, lehen kanporaketan. Quique Dominguezek entrenatzen duen taldea hiru puntu aurretik nagusi izan da norgehiagokaren hasieran (11-14), eta inork ez zuen espero ondoren izandako amaiera.

Nafarroako taldea madrildarren defentsan geroz eta gehiago nahasten hasi ostean, Anaitasunak erasoan erakutsitako gabeziak aprobetxatu ditu Alcobendasek, markagailua iraultzeko: 20-16.