'Tribuaren Berbak' saioa, ikasgeletara

'Tribuaren Berbak', ETBn euskararen inguruan emititu zen saioa, ikasgeletara eramateko material didaktiko bihurtu dute. Kike Amonarriz saioaren aurkezleak eman dizkigu argibideak 'Faktoria'n. "60 atal egin genituen 'Tribuaren berbak'en euskaraz, 4, gazteleraz. Emititzen hasi orduko ohartu ginen euskaltegietan eta zenbait eskoletan erabiltzen hasi zirela eta  buruari bueltaka hasi nintzen ea zer edo zer egin genezakeen".

Asmoz fundaziokoekin harremanetan jarrita egin dute proiektua. "Soziolinguistikaz eta hizkuntzaz interesa duen edonork material ona du eskura", azpimarratu du Amonarrizek. 10 sekuentzia didaktiko jada sarean daude, edozeinen eskura. "Berez DBHra zuzenduta daude baina egokituta balio dezakete beste erabilpen batzutarako". Informazio guztia, elkarrizketan.