Kataluniako Hauteskundeak
Hauteskunde kanpaina
Erredakzioa
Gainera, Artur Masi esan dio ustezko ordainketen inguruan "gardentasunez jokatzeko", zenbait hedabideren arabera Suitzan eta Liechtensteinen kontu korronteak dituelako.
Oriol Junqueras ERCko hautagaia da. Efe.
Informazio gehiago (1)
Oriol Junqueras ERCko hautagaiak udalerrietan eta diputazioetan PPrekin dituen akordioak apurtzea eskatu dio CiUri.
Azaroaren 25eko hauteskunde kanpainaren baitan egin dituen adierazpenetan PSC ere kritikatu du Junquerasek, eta Mendebaldeko Sahararen eta Palestinaren autodeterminazioa Kataluniakoa baino lehenago defendatzea leporatu die sozialistei ERCko hautagaiak.
Halaber, azken egunotan eskuin muturrarekin lotutako mehatxuak jaso dituela aitortu du, baina garrantzia kendu die.
Artur Masi eskaera
ERCko ordezkariak ''argitasuna eta gardentasuna'' eskatu dizkio CiUren hautagaiari, Suitzako eta Liechtensteineko kontuen bidez zenbait ordainketa jaso izana gezurra dela agerian utzi dezan.
Izan ere, zenbait informazioren arabera, Masen aitarekin eta Jordi Pujol Generalitateko presidente ohiaren familiarekin harremana duten kontu batzuen berri eman du Delinkuentzia Ekonomiko eta Fiskalaren kontrako Unitateak egindako txosten baten zirriborroak. Ustez, lanak esleitzearen truke eraikitzaileek egindako ordainketen zati bat kontu horietan jasotzen zituztela agerian uzten omen du ikerketa horrek.
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa