Dida | EITB Gaztea irratiko programa
Dida
DIDA
B. F. | Gaztea
Donostiar musikariak “Nara” izeneko diskoa estreinatu du. Bertan aurkituko duguna izan dugu hizpide “Dida!”n.
Sara Zozaya. Argazkia: Gaztea
audioak (1)
Nara diskoa aurkeztu digu Sara Zozayak, atera eta ordu gutxira. Donostiarraren lehen lan luzea da, azken hiru urteetan mimoz landutako proiektua.
Egindako lanarekin aseta bai, pisu handi bat gainetik kenduta ere bai; baina ez bereziki pozik, ez gaurko egunez.
Zintzotasunez erantzun digu: "Askotan ematen du halako momentuetan pozik egon behar duzula, halabeharrez, urtebetetzeekin gertatzen da. Lan asko egin dut eta lan asko falta da, eta orain egin behar ditudan gauza guztietan pentsatzen ari naiz".
‘Nara’ out ¿ https://t.co/NxrdTuXtrC pic.twitter.com/i6pZJ2VaNL
— Sara Zozaya (@Sara_Zozaya) October 20, 2023
Nara izenaren atzean dagoena azaldu digu artistak. Nara Sara umearen egungo bertsioa da, bizipenez eta traumez osatutako geruza soinean daraman pertsona heldua.
Heldu horrek, baina, berreskuratu nahi ditu umetako pentsamendu, pultsio eta grinak. Hala, Sara ta Nararen arteko distantzia hurbildu eta biak adiskidetzeko saiakera da Zozayaren azken lana.
Bakarkako proiektua den arren, artistez inguratuta dator musikaria. Hala, gaurdaino ezagutzen genituen "Misty", "Caravan" eta "Maitia"ri "Lo" (ft. Valdivia), "Parece" (ft. Amorante), "xxx", "Nara", "The Sun" (ft. Liam), "Aingurak" eta "Uda" gehitu zaizkio.
Albuma 2022ko uda amaieran grabatu zuen El Tigre Estudiosen, Jon Agirrezabalagaren gidaritzapean. Alor bisualari dagokionez, Arigurriren lanaz baliatu da artista donostiarra.
Aurkezpen birako datak:
Azaroak 2: Kafe Antzokia (Bilbo)
Azaroak 4: Dabadaba (Donosti)
Azaroak 23: Café la Palma, Mazo (Madrid)
Azaroak 30: Sala Vol (Barcelona)
Abenduak 1: Areria Aretoa (Lazkao)
Abenduak 14: Jimmy Jazz (Gasteiz)
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.