B-Aldea
B Aldea
Musika
B. F. | Gaztea
Kattalin Barcena rave kulturaren sorkuntzaz eta bilakaeraz aritu da “B Aldea”n.
1980ko rave bat, Manchesterren. Argazkia: Peter J Walsh
Kattalin Barcenak ikasturteko lehen tartea egin du "B Aldea"n. Musika korronteen bueltan dauden testuinguru sozialak aztertuko ditu musikariak, hamabostean behin.
Estreinaldirako, rave kultura aukeratu du kolaboratzaileak. 80ko hamarkada amaierako Erresuma Batuko testuinguruan, identitate disidenteen arnasgune gisa sortu ziren rave izeneko jaiak.
Kolaboratzaileak azaldu digunez, hirien bazterretan (Londres eta Manchesterreko aldirietan) bizi zen jendea (langileak, gazte arrazializatuak, lgtbi komunitateko kideak…) nazioartetik zetorren elektronika kontsumitzen hasi zen.
Londreseko The Futureko rave jai bat, 1988an. Argazkia: Dave Swindells
Kanpotik zetorren korrontearekin bat egiteko legez kanpoko espazioez baliatzen hasi ziren, halabeharrez, kulturaz eta arteaz gozatzeko zuten espazio bakarrak baitziren.
Rave kultura kaletar eta kolektiboak garai hartan izandako garrantzia eztabaidaezina den arren, orduko testuingurua erromantizatzeko akatsean erori ohi garela azaldu du Kattalinek. Izan ere, askeak eta aberasgarriak izanagatik ere, garaiko raveek bazituzten espazioarekin eta testuinguruarekin lotutako hamaika problematika.
Beste edozein arte adierazpenekin gertatu den moduan, rave kulturak ere izan du ibilbide eta bilakaera propioa. Kolaboratzailearen esanetan, globalizazioak eta gentrifikazioak erabat zeharkatu du rave kultura, mota honetako jaien izaera jasangarria galbideratuz. Horrela, egun boladan dauden raveek gehiago dute jai kapitalistatik eta indibidualismotik iraganean zuten kutsu aldarrikatzailetik baino.
Mugimenduak izandako bilakaeraren bidaia laguntzeko soinu banda ekarri digu Barcenak, jaiotzatik hasi eta heriotzara arte. Shut Up and Danceren "Raving I'm Raving", Burialen "Archangel" eta The Prodidyren "Charly" entzun ditugu, besteak beste.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.