Gaztea Sariak | EITB Gaztea
Gaztea Sariak
Sari berezia
Gaztea
30 urte bete dituen GAZTEA irratiak musikari beste hainbeste eskaini zizkion Iñigo Muguruzari ohorezko saria emango dio gaur egingo duen galan.
Iñigo Muguruza, Gaztea Saria ibilbide osoari aitortza
Informazio gehiago (1)
Gaztea Irratiak Iñigo Muguruzari omenaldi berezia eskainiko dio gaur Donostiako Kursaaalen antolatutako Gaztea Sarien galan. Ibilbide osoari aitortza saria emango dio Gazteak aurten berreskuratu duen sariketan. Orain dela urtebete utzi gintuen musikariaren alabek jasoko dute garaikurra, Jon Maia bertsolariaren eskutik.
Gaztea irratiko lantaldeak argi dauka omenaldi honek Iñigo Muguruzarentzat izan behar duela, "hainbeste kantu eman dizkigu, hainbeste melodia, hainbeste pentsamendu, hainbeste arte. Gugan jarraitzen duelako forma askotan. Musikari batzuk ez dira desagertzen. Bere kantuetan Iñigo dago eta bere kantuak gugan daudelako. Gaztearen 30. urteurren honetan, gure hasiera Iñigoren ekarpenik gabe ulergaitza litzateke. Hainbeste eman digunari, zerbait itzuli nahiko genioke. Bere "IDEIA ZABALDU" eta merezi duen bezala "SALAM, AGUR" esatea.
Musika ibilbide oparoa
1964ean Irunen jaioa, musikari lotutako familia batean hazi zen Iñigo, Fermin eta Jabier Muguruzaren anai gaztea. 14 urte baino ez zituela abiatu zuen lehen proiektu musikala: Desband. Handik urte batzutara iritsi zen Kortatu taldea, Fermin anaiarekin eta Treku Armendarizekin batera. Estudioko hiru disko eta zuzeneko beste bat atzean utzita, Kortatu deseginda, Nikaraguan ibili zen Iñigo Muguruza denbora batean.
Handik bueltan, Euskal Herriko erreferente bilakatu zen Negu Gorriaken garaia iritsi zen. Aldi berean, Delirium Tremensen ere ibili zen Muguruza, bi proiektuak uztartuz. Negu Gorriakek 1996an amaitu zuen bere ibilbidea. Salam, agur izan zen taldearen azken lana. Alabaina, 2001ean, agur esateko kontzertu bat eman zuten Baionan eta beste bat Donostian.
Negu Gorriaken agurra iritsi baino lehen, Iñigok Joxe Ripiau taldea sortu zuen, Jabier anaiarekin eta Sergio Ordoñezekin batera, karibetar eta latindar erritmoekin gozatzeko. Joxe Ripiauren ostean, Sagarroi (2000), Lurra (2013-2017) eta Hiru Leike (bere azken taldea) iritsi ziren. Proiektu horien bidez, Iñigo bide berrietan murgildu zen, Kortatu edo Negu Gorriakeko gitarra zirikatzaileetatik aldenduta.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.