gadgetak
Uztailaren 23tik aurrera
LUZIA ZUGADI | EITB.EUS
23. ediziorako sarrera guztiak agortuta daude. Guztira, 4.096 lagun bilduko dira Barakaldon, uztailaren 23tik aurrera.
Euskal encounter
Uztailaren 23tik 26ra egingo dute aurten Euskal Encounter topaketa Barakaldoko Bilbao Exhibition Centre (BEC) erakustazokan. Internetek segundoko 40 gigabyteko abiadura izango du bertan.
23. edizio honek ordu erdian agortu zituen topaketan parte hartu nahi zutenei zuzendutako 4.096 lekuak, Bizkaiko Foru Aldundiak jakitera eman duenez.
Euskaltel Konektak antolatu du Euskal Encounter, pertsonen, enpresen eta ekimenen arteko konexioa sustatzeko helburuarekin, betiere, informazioaren eta komunikazioaren teknologien (IKT) baitan.
Hori horrela, edizio honetan segundoko 40 gigabyteko abiadura izango dute parte-hartzaileek nabigatzeko; hots, iazko abiaduraren bikoitza. Beraz, "munduko ekimen azkarrenen artean" kokatuko da.
Hitzaldiak ere egongo dira, besteak beste, gai hauen ingurukoak: domotika, 3D inprimagailuen bidez burututako ongintzazko ekimenak, robotika, bideo-jokoak eta hezkuntza. Halaber, teknologia proiektuak garatu nahi dituztenei zuzendutako prestakuntza egongo da.
Horrekin guztiarekin lotuta, Gaztea irratiak FIFA bideo-jokoaren euskal lehiaketa egingo du.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.