Luis eta Begoñaren alaba gazteena naiz. Sopelan, Bizkaian, jaio nintzen 1987ko urriaren 20an eta ordutik han bizi naiz, gustura gainera!

Ander Deuna Ikastolan ikasi nuen eta ondoren, Kazetaritza, EHUn, Leioan. Lizentziatu aurretik praktiketan hasi nintzen ETBko albistegietan. Ikasketak amaitu eta etxe honetako albistegietan lan egin nuen lau urtez berriemaile, han eta hemen, egunean eguneko gaiak lantzen.

2013ko urrian, Eguraldia aurkezteko proposamena egin zidaten, eta ordutik, hemen nago, isobara eta mapa artean. Ikus-entzuleei informazioa ahalik eta modu hurbilenean ematea dut helburu.