ETAren amaieraren 'egiaztatzaileak' Euskadin izan ziren urtarrilean

ETAren su-etenaren nazioarteko "egiaztatzaileak" Euskadin izan ziren urtarrilaren amaieran zenbait alderdietako ordezkariekin eta eragile sozialekin biltzeko.

"Egiaztatzaileak" hainbat elkarrizketa izan zituzten urtarrilaren 28an ETAren eta presoen egoera aztertzeko, Bilbon Herrirak egindako manifestazio jendetsua izan eta bi astera.

Ram Manikkalingamek zuzentzen duen taldearen asmoa otsailaren amaieran Euskadira itzultzea da, bilera sorta handiagoa egiteko, eta ez dute Iñigo Urkullu lehendakariarekin biltzea baztertzen, Urkulluk berak horrela nahi izanez gero.

Bisita Sorturen lehen kongresuaren aldi berean izango da, Iruñean egingo baitute otsailaren 23an ezker abertzealearen alderdiaren aurkezpen ofiziala.

Kontaktuak Oslon

Manikkalingam eta Powel ETAko Josu Ternerarekin, David Plarekin eta Iratxe Sorozabalekin harremanetan izan dira Oslon, Norvegiako Gobernuaren oniritziarekin.

Desarmea nola antolatu eztabaidatzeko bilerek aurrea egitea Norvegiako Gobernuaren esku dago, ETAko kideei urtarrilaren 10ean bukatu baizitzaien bertan egoteko baimena.