Prestaketa

Barrengorriei oineko lurra laban batekin kendu eta banaka uretan garbitu. Eskuen laguntzarekin, zurtoina txapeletik banatu eta zurtoinak txiki-txiki zatitu.

Zartagin bat olio koilarakada pare batekin eta berakatz-atal pare batekin su bizian jarri. Dantzan hastean, barrengorrien txapelak 5 minutuz salteatu bertan. Gorritu zaizkigunean, gatzez ondu eta labeko erretilu batean jarriko ditugu zurtoina kendu diogun atala gora begira dugularik.

Zartagin berbera berriro sutan jarri beste bi olio koilarakada batekin eta berotzen denean, gelditzen zaigun berakatz-atala eta urdaiazpikoa txikituta bertara gehitu. Hauek dantzan hastean, bertara barrengorrien zurtoinak gehitu eta beste 5 minutuz salteatu.

Jarraian, banaka hauekin txapelak beteko ditugu. Behin denak beteta, erretiluari ur pixka bat gehitu, perrexil xehatua barrengorrien gainetik bota eta oliba olio txorrotada batekin busti ondoren, labean bukatuko ditugu 200 ºC-tara 15 bat minutuz.