Prestaketa

Txekor xerrak gari zainzuriz eta urdaiazpikoz beteak eta hezur-muina:

Zartagin batean hezur muina gorritu oliba olioarekin, tapa jarri eta utzi ondo kozinatzen.

Txekor xerrak zanpatu, gazitu eta luzatu. Gainean urdaiazpiko xerra jarri eta bertan gazta krema igurtzi. Gainean gari zainzuriak lehendik salteatuta sartu eta xerra bildu. Sokarekin lotu. Gatza eta piper beltza bota eta zartaginean gorritu, tximitxurria gainetik bota.

Piper gorri errea:

Piper gorriak olio eta gatz pixka batekin laberatu 200ºC-an 30 minutuz. Zuritu, zatitu eta zartagin batean baratxuri ale xerratuekin eta olioarekin  kozinatu.

Tximitxurria:

Lehen zuritutako piperretatik batzuk hartu. Baratxuri erreari mamia atera. Martorria txikitu eta osagai guztiak nahastu olioarekin.

Tomate, uraza eta tipula entsalada:

Osagai guztiak txikitu olioa, limoi birrindura eta gatza jarri eta molde batean sartu.

Bukaera:

Plater batean hezur-muina jarri eta ondoan xerra beteak. Tximitxurri pixka batekin ondu eta ondoan entsalada  jarri.