Prestaketa

Aza eta azenarioak

Aza eta azenarioak juliana finean moztu eta tipulina txikituarekin, irinarekin, arrautza zuringoarekin eta ur pixka batekin elkartu. Ondo nahastu eta zartagin berora koilarakada bat bota erdian txulotxo bat eginda gorringoa jartzeko. Bi aldetatik gorritu eta gatza bota.

Tipulin eta gurin krema

Tipulinak zuritu eta bitan zatitu, 10 minutuz uretan egosi eta xukatu ondoren, zartaginean pixka bat lehortu. Gurinarekin, esne-gainarekin eta gatzarekin elkartu eta birrindu. Iragazi eta epelean mantendu.

Otarrainxka frijituak

Otarrainxkak zuritu eta beste osagaiekin nahastu. Banan banan olio berotara bota frijitu arte, paperean xukatu eta gazitu.

Ziape eta ozpin-luzoker saltsa

Osagai guztiak ontzi batean sartu eta txikitu.

Bukaera

Plater batean aza eta azenarioak jarri, gainean otarrainxka batzuk, ondoan, tipulin krema eta emultsioa.