Prestaketa

Hostopil eta kuiatxo loreak:

Hostopil xafla bat 8 zentimetroko zabaleran moztu eta luzera guztian kuiatxo xafla finak bata bestearen ondoan jarri. Gainetik gatza eta parmesano birrindua bota eta hostopilarekin itxi. Izkin batetik bildu egingo dugu eta molde batean sartu, arrautza irabiatuarekin igurtzi  laberatzeko180ºC-tara 20 minutuz.

Perretxiko eta ziazerba saltsa:

Tipula eta baratxuri alea txikituta erregosten jarri, ondoren perretxikoak gehitu eta sueztitu, ziazerbekin batera. Ardo txuria bota, murriztu eta esne-gaina gehituta irakinaldi bat eman eta birringailuarekin ondo txikitu. Lodia geratzen bada salda pixka bat bota. Gatza jarri.

Txipiroi tallarinak:

Txipiroiak garbitu eta juliana eran moztu. Ontzi batera gehitu olioa, gatza, perrexila eta baratxuriarekin. Zartagin bero batean olioarekin salteatu.

Cherry tomateak konfitatua:

Cherry tomateak uretan galdarraztatu. Zuritu eta zartagin batean gorritu baratxuri ale batekin.

Idiazabal gazta kurruskaria:

Idiazabal gazta birrindu. Labeko erretilu batean luzatu eta labean sartu 190ºC-tara.

Bukaera:

Plater batean saltsa bota, gainean kuiatxo lorea jarri. Gainetik txipiroi  tallarinak zabaldu. Inguruan cherry tomateak eta azkenik gazta kurruskaria.