Prestaketa

Espageti orea:

Ontzi batean osagai guztiak sartu eta eskuekin ore bat egin. Hotzean egoten utzi 2 ordu. Ondoren, irinaren laguntzaz, arrabolarekin luzatu eta makinatik pasako dugu eta azkenik espageti forman moztu.

Uretan 3 minutuz egosi eta otarrainxka krema dagoen zartaginera sartu. Bertan egosten bukatu eta parmesanoa birrinduta botako diogu saltsa krematsua uzteko.

Itsaski krema: 

Zartagin batean otarrainxka buruak gorritu olioarekin, arrain salda bota eta 15 minutuz kozinatu. Birringailuarekin txikitu eta iragazi.

Otarrainxka gorri tartarra:

Otarrainxkak zurituta zatitxotan txikitu eta ontzi batean sartu. Bertara martorria txikituta, limoi azala birrinduta, limoi erdiaren zukua, oliba olio txorrotada eta gatza bota eta ondo nahastu.

Tomate lehor pestoa:

Osagai guztiak ontzi batean sartu eta emultsio bat egin.

Bukaera:

Plater batean espagetiak biribilduta dorre baten formarekin jarri. Gainean otarrainxka gorri tartarra eta ingurutik tomate lehor pestoa.