Prestaketa

Barazki, txipiroi eta ganba broxeta:

Barazkiak garbitu, zatitu eta broxetan sartu koloreekin jolastuz.

Ganbak eta txipiroiak zuritu, zatitu, eta broxeta bete txandakatuta.

Almaizean, baratxuri alea, limoi zukua eta soja saltsa sartu, eta birrintzen hasi. Bitartean, sesamo olioa eta perrexila sartu, eta ondo mamituta utzi. Zartagin handia berotu, eta olio pixka bat botata, broxetak gorritzen jarriko ditugu, eta lehen egindako nahasketa gainetik botako dugu almaizean.  

Sandia eta mozzarella entsalada:

Ontzi batean, osagai guztiak zatituta sartu, eta nahastu. Lima azal birrindu, zuku, olio eta gatzarekin gozatu. Gainean, kanonigo sorta jarri.

Mornay saltsa:

Bexamela egingo dugu, eta bukaeran, gorringoak eta gazta birrindua gehitu, nahastu, eta gazitu.

BUKAERA:

Plater batean, broxetak jarri, eta mornay saltsa barazki broxetaren gainetik luzatu. Sopletearekin gorritu, eta almaizean egindako olioarekin, ganba eta txipiroi broxetari bota; ondoan, entsalada jarri.