Prestaketa

Kinoa gorri tabulea:

Kinoa uretan ondo garbituko dugu. Uretan egosten jarriko dugu, eta hasten denean, estali, eta 15 minutuz utziko dugu egosten. Denbora igaro ondoren, lasaitzen utzi 5 minutuz, sutatik kanpo.

Beste osagaiak txikitu, eta ontzi batean sartuko ditugu. Kinoa epeltzen denean, gainerako osagaiekin nahastu, eta limoi zuku, olio eta gatzarekin gozatu.

Oilasko hegalak saltsa bizian: 

Oilasko hegalak zatitan moztu, eta ontzi batean, irin, piperrauts, pipermin eta gatzarekin nahastuko ditugu. Oliotan pixka bat frijitu eta xukatu ondoren, saltsa bizian sartuko ditugu.

Saltsa bizia egiteko, zartagin batera gurina bota, eta urtzen denean, saltsa bizia gehitu. Baratxuri hautsa, pipermina, piperrautsa eta gatz pixka bat bota, irakin, eta hegalak bertara bota guztiz egin daitezen. Perrexil txikituarekin amaitu.

Menda, perrexil eta baratxuri aliolia:

Baratxuri aleak oliotan frijitu. Osagaiak ontziratu, eta birringailuarekin, emultsio bat egin.

BUKAERA:

Plater batean, kinoa tabulea jarri, eta ondoan, oilasko hegalak bere saltsarekin ondo bilduta. Aliolia gainetik bota.