Prestaketa

Barazkiz betetako aza orria:

Aza orriak ur berotan galdarraztatu 5 segundoz, eta ur hotzetara pasa.

Barazkiak karratutxotan moztu, eta zartaginean erregosi olioarekin.

Aza orria luzatu; erdian, koilarakada bat barazki jarri, eta bildu. Gainetik, olioa jarri, eta labean berotu.

Gazta saltsa:

Tipulatxa, txikituta, zartaginean erregosi. Gaztak eta esne-gaina gehitu, irakinaldi bat eman, eta birrindu.

Urdaiazpiko eta baratxuri fresko salteatua:

Baratxuri freskoa makilatxotan moztu, eta zartaginean salteatu; urdaiazpiko zatitxoak gehitu, sueztitu, eta erreserbatu.

Perrexil eta arbendol olioa:

Ontzi batean, birrindu osagai guztiak.

BUKAERA:

Plater batean, koilarakada bat saltsa jarri; gainean, aza betea, eta, ondoan, urdaiazpikoa eta baratxuri freskoak salteatuta. Olio berdearekin bukatu.