Prestaketa

Babak eta lekak:

Eltze banatan, lekak eta babak egosi.

Zartagin batean, tipulin txikitua erregosten jarri, eta, ondoren, urdaiazpikoa txikituta gehitu, sueztitu dadin. Bertara, babak eta lekak sartuko ditugu, eta 5 minutuz kozinatzen utzi.

Arrautzak galdarraztatu 3 minutuz, txorrotada bat ozpinekin.

Onddo eta patata krema:

Eltze batean, tipulina erregosten jarri olioarekin. Bertara, perretxikoak zatituta sartu, erregosi. Patatak ere xerratuta sartu, pixka bat erregosi eta salda gehitu. Patata bigun geratu denean, esne-gaina eta gazta birrindua gehitu. Birrindu edo sardexka batekin zapaldu dena.

Patatak perretxikoekin:

Patatak zuritu eta bola-koilararekin patata bolak egin. Zartagin batean, gurina urtu eta, bertan, patatak gorritu. Eginda daudenean, perretxikoak gehitu eta salteatu.

BUKAERA:

Plater baten, erdian, koilarakada on bana leka eta baba jarri eta, gainean, arrautza egosia. Inguruan, patata eta onddo krema eta, ondoan, patata eta perretxiko salteatuak.