Prestaketa

Jioza orea:

Irina eta gatza ontzi batean sartu eta ur beroa gehituko diogu. Bi makiltxoekin nahastu eta eskuekin ahal denan oretu ontzitik kanpo, mahai gainean masa fin bat geratu arte oretu. Pausada bat eman eta tutu bat egin, zati txikiak moztu eta arto irin eta arratolaren laguntzaz borobildu ore zatiak.

Oilasko betegarria:

Baratxuria eta jenjibrea birrindu. Aza galdarraztatu eta ondo xukatu. Tipulin adarra eta aza txikitu txikitu. Osagai guztiak ontzi batean elkartu eta ondo nahastu.

Zartagin batean olioa berotzen jarri eta jiozak behe aldetik gorritu. Oilasko salda pixka bat sartu eta egosi 5 minutuz.

Otarrainxka betegarria:

Baratxuria eta jenjibrea birrindu. Aza galdarraztatu eta ondo xukatu. Baratxuri freskoa eta aza txikitu txikitu. Osagai guztiak ontzi batean elkartu eta ondo nahastu.

Jioza ore borobilak luzatu eta betegarri koilarakada bat jarri. Eskuekin itxi.

Lurrunontzi batean aza orri bat jarri. Gainean jiozak eta 7 minutuz egosi.

BUKAERA:

Bi jioza desberdinak plater lau batean jarri eta soia saltsa alboan, ontzitxo batean, aurkeztu.