Prestaketa

Zainzuriak

Zainzuriei txortena kendu eta zuritu egingo ditugu. Lapiko batean ura irakiten jarri gatz, oliva-olio eta azukre pixka batekin. Zainzuriak sartu eta egosi egingo ditugu. Gutxi geratzen zaienean, sua itzali eta lapiko barruan hozten utzi.

Ilarrak eta baba txikiak

Ilarrak 5 minutuz ur berotan egosiko ditugu. Zartagin batean olioarekin tipulin txikitua erregosten jarriko dugu. Tipulina eginda dagoenean, ilarrak eta babak gehitu eta 5 minutuz sueztitu.

Arrautza galdarraztatuak

Ura irakiten hasten denean, arrautzak sartu eta 5 minutuz egosten utzi. Uretatik atera eta ur hotzetan beroa kendu. Zuritu eta ontzi batean arrautzak sardexka batekin apurtu.

Gorringo birrindura

Gorringoa 2 egunez hozkailuan edukiko dugu, gatz eta azukre nahasketarekin estalita. Egunak igaro direnean, gatzetatik atera, garbitu eta geroko gorde.

Bukaera

Plater batean koilarakada bat arrautza galdarraztatu jarriko dugu. Ondoan beste koilarakada bat ilar eta baba salteatu. Bi zainzuri gainean eta gorringo birrindura denetik. Urdaiazpiko xaflarekin eta perrexil txikituarekin bukatuko dugu.