Prestaketa

Barazkiak

Ura irakiten jarri, eta barazkiak zatitu eta egosten jarri: azenarioa, kuiatxoa, lekak, azalorea eta brokolia. Egostean ur hotzetara atera. Alberjinia zentimetro bateko xerratan moztu, gatza eman, irinetan pasatu, eta zartagin batean frijitu, oliotan; paper xurgatzailera atera. Zainzuriak urdaiazpiko xerrarekin bildu, irinetan eta arrautzetan pasatu, eta oliotan frijitu.

Menestra saltsa

Baratxuri freskoak zatitu eta oliba oliotan gorritzen utzi; irin pixka bat bota, erregosi, eta txakolina gehitu; murrizten utzi. Salda bota, eta loditu arte sutan eduki. 

Bukaera

Menestra saltsak puntua hartzen duenean, barazki egosiak sartu, irakinarazi, eta platerean edo lurrezko ontzian jarri; alberjinia frijituak ondo zabaldu, eta tartean zainzuriak eta perrexil pixka bat jarri.