Prestaketa

Ogitartekoa:

Tipula morea zuritu ondoren, juliana eran moztu eta zartagin batean oliotan erregosi.

Gernikako piperrak frijitu.

Plantxa batean ogi xerra, azpizuna eta hirugiharra gorritu.

Ogia osagai guztiekin betetzen joan.

Ogitarteko saltsa:

Pistatxoak zartaginean txigortu.

Maionesa  egin arrautzarekin, ozpinarekin, olioarekin eta gatzarekin.

Bertara ziapea, pistatxo txigortuak eta errukula gehitu.

Piper gorri erre eta hegaluze kukuluak:

Piper gorria olio txorrotada batekin labean erre. Ondoren, zuritu eta haziak kendu. Zati txikietan moztu eta ontzi batera bota. Bertara baratxuria txikituta, modena ozpina eta tipulina txikituta gehitu.

Kukulu hostoak atera eta piperrak jarri, gainean hegaluzea eta, azkenik, tipulin txikitua.

Bukaera:

Plater batean ogitartekoa jarri eta ondoan kukulu entsalada.