Prestaketa

Porru egosiak:

Porruak garbitu eta uretan egosi, egin arte. Ondoren, zartagin beroan olioa bota eta bertan gorritu.

Arrautza egosi. Otarrainxkak zuritu eta zartaginean gorritu.. Arrautza eta otarrainxkak txikitu; perrexila, baratxuria eta olioa almaizean txikitu. Azkenik, osagai guztiak elkartu olio pixka bat gehiagorekin. Nahasketa porruen gainetik botatzeko erabiliko dugu.

Zapoa olio errearekin:

Zapo solomoa gazitu eta zartaginean gorritu eta gero labean bukatu. Bitartean zartagin berean, baratxuri atalak eta pipermina xerratuta gorritzen jarri eta zapoari gainetik bota. Errepikatu ekintza zapo zati bakoitzarekin. 

Txirlak saltsa berdean:

Baratxuri atalak txikitu eta oliotan gorritzen jarri. Jarraian, irin pixka bat eta ardo txuria bota. Murriztu eta arrain salda pixka bat eta txirlak bota. Estali eta ireki arte bertan utzi. Bukaeran perrexila txikituta jarri.

Bukaera:

Plater batean porru gorrituak jarri eta gainetik perrexil, otarrainxka, baratxuri eta arrautza txikituak bota. Ondoan zapo solomoa jarri txirlekin eta saltsa gainetik bota.