Prestaketa

Urraburua gatzetan:

Ontzi batera gatza bota eta ur pixka batekin hezetuko dugu. Labe erretilu batean labe paper zati bat jarri eta ontziko gatzaren erdia botako dugu, ondo luzatu eta urraburua ezkatak kendu gabe gainean jarriko dugu. Gainontzeko gatzarekin ondo estali eta labean sartuko dugu 200ºC-tan 25-30 minutuz.

Orburu loreak:

Orburuak oliotan konfitatuko ditugu 90 minutu 85ºC-tara. Ondoren eskuekin zabalduko ditugu lore forma emanez eta lau eratara prestatuko ditugu:

1)      Arrautza-irinetan: Plater batean irina jarriko dugu eta katilu batean arrautza irabiatuko dugu. Orburu lorea irinetatik pasa eta ondoren arrautza irabiatuan sartuko dugu. Ondoren, oliotan frijituko dugu

2)      Birrineztatua: Plater batean ogi birrindua jarriko dugu eta katilu batean arrautza irabiatuko dugu. Orburu lorea ogi birrindutik pasa eta ondoren arrautza irabiatuan sartuko dugu. Ondoren, oliotan frijituko dugu

3)      Paparrarekin: Orburu lorea zartagin batean zigilatu eta txerri paparra jarriko diogu gainetik

4)      Foie gras micuitarekin: Orburu lorea zartagin batean zigilatu eta foie zatiak jarriko dizkiogu gainetik

Orburu Krema:

Lapiko batean orburuak egosi eta bitartean zartagin batean baratxuria erregosten jarriko dugu. Orburuak egosi direnean azala kendu eta baratxuriekin sueztituko ditugu. Bukaeran esne-gaina gehitu eta guztia birrindu, iragazi eta gatza puntuan jarri. Epelean mantendu. 

Barazki egosiak:

Barazki guztiak uretan egosiko ditugu. Azalorea, lekak eta brokolia lapiko batean eta patata eta azenarioa beste batean.

Bukaera:

Plater batean orburu krema zabalduko dugu eta gainean urraburu solomo zatiak jarriko ditugu. Albo batean barazki egosiak jarriko ditugu; azenarioa eta lekak makilatxotan, patatak bolatxoetan eta brokoli eta azalore zuhaixkak. Olio zorrotada batekin lagungarri moduan. Beste alboan orburu loreak jarriko ditugu