Prestaketa

Bakailaoz beteriko piper gorriak:

Piperrak kozinatzen jarriko ditugu olio eta baratxuriekin.

Zartagin batean tipulina eta piper berdea erregosten jarriko ditugu txikituta. Bakailaoa mamitu eta bertara bota, perrexila gehitu eta bexamelarekin nahastuko dugu. Hozten utziko dugu eta pikillo piperrak beteko ditugu.

Olagarroz beteriko piper-berdeak:

Piperrak baratxuri ale eta olioarekin zartagin batean kozinatu egingo ditugu.

Zartagin batean tipulina erregosten jarriko dugu eta bertara piperrautsa botako dugu. Ondo kozinatu ondoren, olagarro zatiak bota eta bexamelarekin nahastu ondoren, hozten jarriko dugu.

Piperren saltsa:

Barazkiak txikitu eta erregosten jarriko ditugu. Bertara txorizo-piper mamia botako dugu. Dena ondo sueztitu eta ardo txuri txorrotada bat botako diogu. Murriztu ondoren, salda gehitu, irakin eta nahi izanez gero, birringailuarekin txikitu dugu. Piper beteak bertara botako ditugu

Tipula frijitua

Tipulina eraztunetan moztu, tenpuratik pasa eta oliotan frijituko dugu. Paperean xukatu eta gatza botako diogu.

Bukaera:

Plater batera saltsa koilarakada bat botako dugu eta piperrak txandakatuta jarriko ditugu. Gainetik tipulin eraztun frijituak jarriko ditugu eta piperrautsa botako diegu gainetik.