Prestaketa

Untxi besoa ardo beltzarekin:

Untxi besoak gazitu eta zartagin batean olioarekin gorrituko ditugu. Beste lapiko batean tipulinak, baratxuri aleak eta piper-berdea erregosten jarriko ditugu, txikituta.

Untxi besoak gorritu ondoren, armagnac-a botako dugu bertara. Murriztuko dugu eta orduan ardo beltza eta barazki erregosia gehitu eta egosten utziko ditugu. Lehorra geratzen denean, salda botako dugu, kazola estali eta kozinatzen utziko dugu 15-20 minutuz. Untxi besoak xamurrrak daudenean, bertatik atera, salda birrindu, iragazi eta untxi besoekin elkartuko ditugu.

Tipulatxak, gaztainak eta pikupasak oporto erara:

Tipulatxak eta gaztainak zuritu eta zartagin batean gurinarekin gorrituko ditugu. Bertara pikuak botako ditugu eta erregosten utziko ditugu, 2 minutuz. Oporto eta salda txorrotada bat bota eta karamelizatu arte sutan edukiko duug.

Patata eta perretxiko purea:

Patatak zuritu, zatitu eta egosten jarriko ditugu. Ondoren xukatu eta esne gaina, gurina eta egosketako ur pixka batekin krematu egingo dugu. Gazitu.

Zartagin batean perretxikoak olioarekin sueztitu eta patata purearekin nahastuko dugu. Perrexila botako diogu gainetik.

Aurkezpena:

Plater batean untxi besoak jarri eta saltsa gainetik bota. Ondoan patata krema jarri eta tipulatxa, gaztainak eta pikuak oporto erara.