Prestaketa

Thai saltsa:

Zartagin batean, olioarekin, curry gorri pasta bota, eta sueztitu. Zitronela eta jengibrea txikitu, eta bertara bota lima zukuarekin batera. Ondoren, koko esnea sartu, eta irakiten duenean, salda  gehitu, eta irakiten utzi 5-10 minutuz. Lodituta dagoenean, iragazi.

Kuiatxo eta porru spaghettiak:

Kuiatxoa eta porrua spaghettiak forman moztu, galdarraztatu, eta ur hotzetara pasa.

Zartagin batera olioa bota, eta hirugiharra, karratutxotan moztuta, bertan gorritu. Thai saltsa sartu, eta irakiten hasten denean, barazki spaghettiak gehitu, eta ondo nahastu.

Ganbak olo geruzarekin:

Lehenengo, tenpura prestatuko dugu. Ontzi batean, irinak, gatza, gorringoa eta ur hotza sartuko ditugu, eta ondo nahastu. Ganbak zuritu, eta bertatik pasa ondoren, olotik pasa, eta zartaginean, olio beroarekin frijitu. Paperean xukatu, eta gatz pixka bat bota.

Gorringo eta soja saltsa:

Soja saltsa, ardo goxoa eta curry pasta nahastu, eta gorringoak bertan sartu ordu batez. Ondoren, saltsatik atera, eta sardexka batekin apurtu, eta astindu on bat eman gorringoei.

BUKAERA:

Plater sakon batean, spaghettiak saltsarekin biribilduta jarri. Ondoan, ganbak jarri, eta inguruan, gorringo saltsa.