Prestaketa

Legatz betea:

Tipulina eta porrua, txikituta, erregosten jarri olioarekin. Surimia, muskuiluak, antxoak eta atuna, mamituta, ontzi batean sartu, eta barazkiak erregosita eta xukatuta gehitu. Brandy pixka bat bota, eta maionesarekin nahastu.

Legatz solomoa xerratu, eta zartaginean gorritu bi aldeetatik. Erretilu batean ipini, eta solomo batean, koilarakada bat txangurro jarri, eta beste solomo zatia gainean kokatu.

Itsas triku saltsa:

Eltze batean, gurina urtu, eta tipulatxa txikituta erregosten jarri. Trikuak eta txorrotada bat brandy gehitu, murriztu, eta esne-gaina bota, irakinaldi bat eman. Itsas triku mamia sardexkarekin txikitzen joan. Lodi geratzen bada, fumetarekin arindu.

Barazkiak plantxan:

Plantxa bero batean, barazkiak jarri, eta espatulekin, barazkiak mugitu gorritu arte; gatza eman.

BUKAERA:

Plater   baten  erdian, txangurro  faltsuaz  betetako legatza jarri; alboan, barazkiak plantxan, eta itsas triku saltsa gainetik bota.