Prestaketa

Mihi arraina grenoble saltsa:

Ogi xerra karratutxotan moztu eta gurinaren erdiarekin zartagin batean gorritu.

Mihi arraina xerratu, irinetatik pasa eta zartagin batean gurina eta oliba olio koilarakadatxo bakoitzarekin gorritu. Zartaginetik atera eta bertara kaparrak zatituta eta limoi zukua gehitu eta murrizten utzi pixka bat saltsa loditu arte. Limoi bati atalak kendu, bitan moztu eta saltsara bota. Ondo lotzean mihi arrainari gainetik botako diogu platerean eta ogi karratutxo xigortua eta perrexil txikitua bota.

Barrengorri tartaleta:

Tipulak juliana eran moztuta zartagin batean erregosten jarri ezkai adar eta gurinarekin karamelizatu arte.

Hostopila borobilean moztu, sardeskarekin txulo batzuk egin eta 180ºC tan laberatu gorritu arte. Labetik atera eta tipula karamelizatua gainetik ondo luzatu. Barrengorriak xerra finetan moztu eta denak molde berdinarekin moztu, berdinak gera daitezen. Tipularen gainetik jarriko ditugu bata bestearen ondoan. Gatza botako diogu.

Rukula eta boilur pestoa:

Osagai guztiak ontzi batean sartu eta birringailuarekin ondo txikitu.

BUKAERA:

Plater batean mihi arrai solomoa jarri eta saltsa gainetik bota. Ondoan barrengorri tartaleta jarri eta gainetik rukula pestoa  eta perrexil txikitua bota.