Prestaketa

Pakora orea

Txikitu barazkiak brunoise eran, eta azalorea 3 minutuz egosiko dugu. Ontzi batean txitxirio irina eta ura sartu, ondo nahastu eta bikarbonatoa, kuminoa eta garam masala gehitu. Nahasten jarraitu, eta barazkiak sartu. Olioa berotzen jarri, eta bero dagoenean, koilara batekin pakora ore multzoak botatzen joango gara. Biribilak geratzea ahaleginduko gara. Paperean xukatu.

Jogurt eta curry saltsa

Jogurta ontzi batera sartu, eta bertara sagar kuboak, ezti koilarakada, currya, menta txikitua eta lima zukua sartuko ditugu. Ondo nahastu.

Tomate saltsa bizia

Ontzi batean osagai guztiak sartu eta birringailuarekin ondo nahastu.

Bukaera

Katilu batean pakorak jarriko ditugu, eta bi saltsak aldamenean, ontzitxo banatan, pakorak bustitzeko.