Prestaketa

Tofu xerra birrineztatuak

Tofua xerra biribiletan moztu eta ontzi batean sartuko ditugu. Bertara ura, soja saltsa, oreganoa, limoi erdiaren zukua eta piperrautsa bota, ondo nahastu. Hozkailuan gorde zaporea hartu dezan, 6-7 ordu gutxienez. Txitxirio irina urarekin nahastu eta tofu xerrak xukatu ondoren hemendik pasa eta japoniar ogi arrailean sartu, oliotan frijitu eta paperean xukatu.

Kuia makilatxoak

Kuia zuritu, makilatxotan moztu, eta erretilu batean zabaldu. Gainetik beste osagaiak botako dizkiogu, olioarekin ondo igurtzi eta labean sartu 200 ºCan 20 minutuz gutxi gora behera.

Barrengorri saltsa

Zartagin batean tipulin txikituta erregosten jarri olioarekin. Ondo egina dagoenean, barrengorriak zatituta gehitu. Ondo sueztitu ondoren tomate frijitua bota, eta gero salda. 20 minutuz egosten utzi, esne gain txorrotada bat bota, birringailuarekin txikitu eta iragazi.

Erremolatxa erre ozpin-olioa

Erremolatxa, tipulina, baratxuria eta tomateak erretilu batean jarri gurinarekin eta labean egin aluminiozko paperarekin estalia 180 ºCan barazkiak ondo eginda geratu arte. Labetik ateratzean tomateei azala kendu eta frutiu lehorrekin batera birrindu krema fin bat lortu arte. Ozpina eta olioa ere sartu, gatz-puntua probatu eta erreserbatu.

Aurkezpena

Plater batean kui makilatxoak bata bestearen gainean jarri, gainean tofu xerra frijituak, eta ingurutik barrengorri saltsa. Erremolatxa erre ozpin-olio hari batekin amaitu.