Prestaketa

Lupia cevichea:

Lenehengo tigre esnea prestatuko dugu. Ontzi batean, 6 limaren zukua egingo dugu eta bertara erditik irekitako baratxuri alea, jengibre zatitu eta martorri orri txikituak nahastu eta 5 minutuko pausagune bat emango diogu. Beste ontzi batera iragazi eta bertara gatzarekin eta pipermín purearekin elkartuko dugu, ondo nahastu eta hotzean gorde.

Lupia xafla finetan ebaki, gatza bota eta tigre esnearekin estaliko dugu. 2 minutuz bertan utzi. Tipula gorria Juliana eran ebakia, martorri txikitua, batata egosi zati batzuk, errefautxo xerrak eta pipermin pure koilarakadatxoa botako diogu, kontu handiz nahastu eta ontzitxoetan banatu.

Ahuakate krema:

Osagai guztiak ontzi batean sartu eta ondo birrindu.

Meloia plantxan:

Meloi zati lodi bat ebaki, zartagin batean olio pixka batekin gorrituko dugu xamur geratu arte eta epelean gorde.

Banana ar frijitua:

Banana arra zuritu eta xerra finetan ebakiko dugu, olio berotan frijitu eta paperean xukatu ondoren, gatza bota.

BUKAERA:

Plater batean meloi zatia jarri eta gainean cevicheko arrain eta barazki zatiak jarriko ditugu, tigre esnearekin busti eta ondoan banana frijitu batzuk jarri eta ahuakate krema koilarakada bat.