Prestaketa

Txekor azpizuna

Azpizun zatiari gatza eta piperrautsa bota, ziapearekin igurtzi eta hotzean gorde.

Beste aldetik, zartagin batean tipulatxa eta baratxuri alea txikituta erregosten jarriko dugu olio eta gurin pixka batekin. Barrengorriak txikituta gehitu eta erregosten jarraitu, boilur ore koilarakada sartu eta hozten utzi.

Hostopil xafla luzatu eta barrengorri ore koilarakada bat jarrriko dugu, gainean lehendik gorritutako azpizuna eta hostopil xafla bildu egingo dugu, arrautzarekin igurtzi eta labe erretilu batean jarriko dugu. Labea lehendik 210 ºC tan berotuta edukiko dugu eta 10-15 minutuz labean erreko dugu. Labetik ateratzean 5 minutuz egoten utziko diogu.

Porto saltsa

Tipulatxak zuritu eta zati handitan ebaki. Zartagin batean su ertainean gurin pixka batekin eta ezkai-hostoekin jarri. 20 minutuz egin, noizean behin eragin, marmelada gehitu eta su motelean egin, distiratsu eta ilun egon arte.

Portoko ardoa gehitu eta poxpolo batekin flameatu, urritu, ziapea eta irina gehitu, eta, ondoren, pixkanaka-pixkanaka salda. Su motelean egin, nahi duzun sendotasuna lortu arte; gero, eskuko irabiagailu batekin nahastu eta iragazi edo lodi utzi.

Wiliams patata

Patatak zuritu eta uretan egosi. Labana erraz sartzen denean, ontzi batera atera eta gurin zati bat eta esne gain txorrotada bota eta hagaxka batekin ondo landu, pure fina geratu arte. Gatz puntuan jarri, gozogintzako zorro batean sartu eta erretilu batean udare formak opatata bolak egin, arrautzeztatu eta oliotan frijitu.

Bimi salteatuak:

Zartagina olioarekin berotu eta bimia gorrituko dugu, gatza bota eta geroko gorde.

Bukaera

Plater azal batean Wellington azpizuna erdian jarriko dugu erditik ebakita eta ondoan Porto saltsa botako dugu. Honen alboan wiliams patata frijituak eta bimi salteatuak.