Prestaketa

Txerri hankak egosteko:

Hankak kontu handiz garbitu eta ur hotzez estalita sutan jarri, irakiten hasi arte. Atera eta ur hotzetan sartu.

Berriro sutan jarri, barazki zatituekin batera, eta pixka bat gazitutako urez estali. Su motelean 3 orduz egosi, bigundu arte.

Saldatik atera, epeltzen utzi, hezurrak kendu eta erretilu batean luzatu, plastikozko papera jarri, beste erretilu bat geinean eta pisuarekin hotzean gorde gogortu arte.

Txerri hankak erretilutik atera, zatitan moztu eta zartagin bero batean olioarekin ondo gorritu.

Saltsarako:

Tipula zati ertainetan ebaki, eta olioarekin jarri, bigundu arte. Txerri hanken egosketa-barazkiak, 4 piper txorizeroren mamia eta txerri hanken egosketa-salda gehitu. 20 minutuz egosten utzi, birringailuarekin txikitu, iragazi eta gatz-puntua zuzendu.

Azalore, kuia eta hirugihar guarnizioa:

Koipean lardoiak izerditzen jarri. Oilasko salda gehitu eta urritu. Aza, tipula konfitatua eta aurrez salteatutako kalabaza-kubotxoak gurin klarifikatuan nahastu . Pixka batean sutan utzi. Amaitzeko, gurin freskoa erabili.

BUKAERA:

Plater azal batean txerri hanka zati gorritu bat jarri, honen gainean aza eta kuia hondo koilarakada bat eta gainean berriro beste txerri hanka gorritu zati bat. Gainetik típula saltsa bota.