Prestaketa

Oilarra

Ezkatak kendu, eta xerrak atera; hotzean gorde.

Porru saltsa

Lapiko batean, gurina urtzen jarri, eta tipulatx xerratua gehitu; gorritzen utzi, eta porru zatitua eta patata apurtua gehitu. 10 bat minutuz egiten utzi, eta ardo zuria bota; murrizten utzi, eta esne-gaina bota. Irakiten hasten denean, 10 minutu utzi, irabiagailuarekin txikitu, eta iragazi.

Itsas datilak

Uretan garbitu; olioa berotzen jarri zartagin batean, eta hara bota datilak. Irekitzen direnean, plater batera atera. Tripa kendu, eta geroko gorde.

Porru frijitua

Porrua garbitu, eta juliana finean zatitu. Irinetan pasatu, eta oliotan sartu, frijitu arte, paper xurgatzailera atera.

Porru egosia

Lapiko batean ura berotzen jarri gatz pixka batekin. Porrua garbitu, eta 3 zati egin; uretan egosi, lapikotik atera, eta txorrotada bat oliba olio bota.

Perrexil olioa

Osagai guztiak  irabiagailuarekin ondo txikitu, eta ontzi batean sartu.

Bukaera

Zartagin bero batean, oilar xerra azal aldetik gorritu; buelta eman, eta bukatzen utzi. Plater batean, porru egosia ipini, itsas datilen artean; ondoan, oilar xerra jarri, eta gainetik porru saltsa bota; porru frijitu pixka bat jarri, eta perrexil olioarekin apaindu.