Frantziako Tourraren 8. etaparen profila eta ibilbidea: Libourne-Limoges (200,7 km)

2023ko Frantziako Tourreko 8. etapa, uztailaren 8an jokatuko dena, mendi ertaineko etapa izango da, Libournetik irten eta Limogesen amaituko da. 200,7 kilometroko ibilbidearekin, etapa 12:30ean hasi eta 17:07 inguruan amaituko da.

Lasterketaren zati handi bat ibilbide lau batetik igaroko da, gorabehera gutxirekin, eta tropelak bat eginda jarraitzea espero da. 30. km-tik aurrera hasiko dira oztopoak, Champs-Romain mendatearekin (3. maila, % 5,2an). Gainera, 4. mailako bi mendate zain izango dituzte helmugatik kilometro gutxira txirrindulariek, Masmont eta Condart sur Vienne, biak % 5eko desnibela baino zertxobait gehiagorekin.

Esprinterrak berriro protagonista izan daitezkeen etapa bat izango da, eta helmugan haien artean indartsuenak izango dira nabarmentzea lortuko dutenak, azken zatia laburra baita, baina gogorra.

eitb.eus 14:00etan hasiko da ematen, zuzenean, lasterketa; ordubeteren buruan, alegia, 15:00etan, ETB1en ere izango da ikusgai aurtengo Tourraren 8. etapa.

7. etaparen profila | 9. etaparen profila

ETAPAREN PROFILA

2023ko Frantziako Tourraren 8. etapako profila. Argazkia: letour.fr