2022ko Espainiako Itzuliaren ibilbidea aurkeztu dute

2022ko Espainiako Itzuliak ostegun honetan (abenduak 16) aurkeztu du 77. edizioaren ibilbidea, Madrilen egin den ekitaldian. Mendiko bederatzi etapa eta bi erlojupeko (taldekako bat eta banakako beste bat) izango ditu, eta Utrechten hasi eta Herbehereetan egingo dira lehen hiru etapak; ondoren, Euskal Autonomia Erkidegoak hartuko ditu laugarren, bosgarren eta seigarren etapak.

Euskadik hiru etapa hartuko ditu: Gasteiz-Guardia (4. etapa) abuztuaren 23an, Irun-Bilbo (5. etapa) abuztuaren 24an eta Bilbo-Liebana (6. etapa) abuztuaren 25ean.

Lasterketa horren 77. edizioak sei etapa lau izango ditu, beste bi lauak izango dira baina goian amaituko dira, eta hiru atseden egun izango ditu.

Espainiako Itzulian inoiz igo ez diren bost mendate igoko dituzte txirrindulariek; Jano (Kantabria, 6. etapa), Fancuaya (Asturias, 8. etapa), Reales (Malaga, 12. etapa), Tentudiako monasterioa (Extremadura, 17. etapa) eta Piornal (Extremadura, 18. etapa).

2022ko Espainiako Itzuliko etapak:

Abuztuak 19: 1. etapa, Utrecht-Utrecht (23,3 km) Taldekako erlojupekoa

Abuztuak 20: 2. etapa, Hertogenbosch-Utrecht (175,1 km) Laua

Abuztuak 21: 3. etapa, Breda-Breda (193,2 km) Laua

Abuztuak 22: ATSEDEN EGUNA

Abuztuak 23: 4. etapa, Gasteiz-Guardia (153,5 km) Erdi mailako mendikoa

Abuztuak 24: 5. etapa, Irun-Bilbo (187 km) Erdi mailako mendikoa

Abuztuak 25: 6. etapa, Bilbo-Jano (180 km) Mendikoa

Abuztuak 26: 7. etapa, Camargo-Cistierna (190,1 km) Erdi mailako mendikoa

Abuztuak 27: 8. etapa, Pola de Laviana-Fancuaya (Yernes y Tameza) (154,5 km) Mendikoa

Abuztuak 28: 9. etapa, Villaviciosa-Les Praeres (Nava) (175,5 km) Mendikoa

Abuztuak 29: ATSEDEN EGUNA

Abuztuak 30: 10. etapa, Elx-Alacant (31,1 km) Banakako erlojupekoa 

Abuztuak 31: 11. etapa, Murtzia-Gata lurmuturra (193 km) Laua

Irailak 1: 12. etapa, Salobreña-Peñas Blancas (Estepona) (195,5 km) Mendatean amaituko da

Irailak 2: 13. etapa, Ronda-Montilla (171 km) Laua

Irailak 3: 14. etapa, Montoro-La Pandera (160,3 km) Mendikoa

Irailak 4: 15. etapa, Martos-Sierra Nevada (148,1 km) Mendikoa

Irailak 5: ATSEDEN EGUNA

Irailak 6: 16. etapa, Sanlúcar de Barrameda-Tomares (188,9 km) Laua

Irailak 7: 17. etapa, Aracena-Tentudía monasterioa (160 km) Mendatean amaituko da

Irailak 8: 18. etapa, Trujillo-Piornal (191,7 km) Mendikoa

Irailak 9: 19. etapa, Talavera-Talavera (132,7 km) Erdi mailako mendikoa

Irailak 10: 20. etapa, Moralzarzal-Navacerrada (175,5 km) Mendikoa

Irailak 11: 21. etapa, Las Rozas-Madril (100,5 km) Laua