Euskal pilota | Azken albisteak eta emaitzak | EITB Pilota
Pilota
Debuta egingo du
EITB MEDIA
Gazteluko pilotari gaztea (apirilean 20 urte beteko ditu), profesional gisa jokatuko duen aurreneko partidan, Beotibarren, Javier Zabalarekin batera arituko da, eta Aitor Elordi eta Xabier Tolosa izango ditu aurkari.
Arkaitz Gabirondok hilaren 24an egingo du debuta. Argazkia: Aspe.
Arkaitz Gabirondo atzelariak Asperekin sinatu du, bi urtez, eta martxoaren 24an egingo du debuta, Tolosan, enpresak berak astelehenean iragarri duenez. Gazteluko pilotari gaztea (apirilean 20 urte beteko ditu), profesional gisa jokatuko duen aurreneko partidan, Beotibarren, Javier Zabalarekin batera arituko da, eta Aitor Elordi eta Xabier Tolosa izango ditu aurkari.
Gabirondok 2022ko abuztutik darama Asperekin entrenatzen, Jokin Etxanizen zuzendaritzapean: "Irudi ona eskaini eta ahal dudan guztian hobetu besterik ez dut nahi", esan du, Aspek bere web orrian zabaldutako adierazpenetan.
"Partida zorrotza programatu didate. Zabala modan dagoen pilotaria da, eta aurrean buruz buruko txapelduna eta Tolosa izango ditut, harekin behin baino gehiagotan entrenatu baitut", zehaztu du, debuta egingo duen neurketaren gainean.
Hurrengo zuzenekoak
03 | 19:00 - 21:00 | PILOTA | GRABNI Txapelketa |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa