Peio Etxeberria da lau t'erdiko txapelduna, atzoko finalean Javi Zabala mendean hartuta. Nola sentitzen den kontatu du biharamunean. 

Lau T'erdiko txapeldun berriaren zain egon dira lagunak eta familia, denek batera gogoz ospatzeko txapela.

Errioxarrak ekin dio hobeto partidari, baina, 2-4kotik, nafarra gehiago izan da, eta aise gailendu. Horrenbestez, Peio Etxeberriak lehen aldiz bereganatu du txapela Lau t'erdikoan. 

Naiarako pilotariak 2025eko Lau t'erdiko finala galdu du, 22-11, Peio Etxeberria aurkari. Norgehiagokaren ostean, Zabalak adierazi du gakoetakoa izan dela nola, 2-4koan, nafarrak buelta eman dion egoerari (adierazpenak, gaztelaniaz).

Zenoztarrak 2025eko Lau t'erdiko Txapelketa irabazi du, final handian Javi Zabala 22-11 mendean hartuta. Partida amaitutakoan, Peio Etxeberriak onartu du kosta egin zaiola hasieran Zabalari aurre egitea, eta, hunkituta, egunerokoan aldamenean izaten dituenak gogoratu ditu. 

Egun bat besterik ez da falta Peio Etxeberriaren eta Javier Zabalaren arteko final handirako. Finalaren atarian, gure adituengana jo dugu euren iritzia jakiteko.

18 urte geroago, pilotari errioxar batek berriro eraman lezake Lau t'erdiko txapela. 2007an azkenengoz balentria hori lortu zuen pilotari errioxarrarekin izan gara, Augusto Ibañez, Titinekin. Bihotzeko gaitz bat igarota, frontoietan bueltan da berriz.

Unai Laso pilotaria asteburuan bueltatuko da kantxara, bost hilabetez jokatu ezinda egon ostean, belauneko lesio baten ondorioz. Igandeko finala nola ikusten duen azaldu du elkarrizketa honetan.

Javi Zabalak eta Peio Etxeberriak Lau t'erdiko txapelketako final handia jokatuko dute igandean, Bilbon. Materiala hautatu dute gaur; ondoren, prentsaurrekoa eman dute.

Javi Zabalak bere ibilbideko lehen finala jokatuko du igande honetan, Lau t'erdiko txapelketan, Peio Etxeberriaren aurka. Eskuko arazoak oztopo ez izatea espero du pilotari errioxarrak.

Peio Etxeberriak Javi Zabala izango du aurkari igande honetan, Lau t'erdiko finalean. Pilotari nafarrak hirugarrenez jokatuko du, eta garbi du txapelaren bila irtengo dela.

Jokin Altuna izango da Lau t'erdiko Txapelketako podiumean, Joseba Ezkurdiari 22-20 irabazi baitio, hirugarren postua lehiatzeko partidan, Arrasaten.

Beñat Senarrek irabazi du B Serieko Lau t'erdiko Txapelketa, finalean Unai Amiano 22-15 menderatuta. Ataungo pilotariak partida irauli du bigarren zatian, 9-14 galtzen joan eta gero.

Peio Etxeberria nafarra eta Javi Zabala errioxarra izango dira aurrez aurre, Lau t'erdiko finalean, finalaurrekoak irabazi ostean. Azaroaren 16an izango da egun handia, Bilbon.

Peio Etxeberriak 9-22 menderatu du Altuna Lau t'erdiko finalerdian. Partida bikaina jokatu du Aspeko pilotariak, akatsik gabea, eta Zabalaren aurka arituko da final handian.

Javi Zabalak nagusitasun handiarekin menderatu du Joseba Ezkurdia Ogeta pilotalekuan (6-22), eta, horrenbestez, pilotari errioxarrak eskuratu du Lau t'erdiko Txapelketako final handia jokatzeko lehen txartela.

Amianok eta Rekaldek, biak debutariak txapelketan, partida bizia jokatu dute finalerako txartelaren bila. Azken tantoetan, baina, Baikokoa nagusitu da, eta, ondorioz, finala jokatuko du.

Jokin Altunak eta Peio Etxeberriak Lau t'erdiko txapelketako finalaurrekoa jokatuko dute asteburuan, eta horretarako materiala aukeratu dute ostegun honetan, Donostian, Atano III.a frontoian. Ez dira gustura agertu pilotekin.

Larunbat honetan hitzordua dute Javi Zabalak eta Joseba Ezkurdiak, lau t'erdiko txapelketaren finalaurrekoan. Astearte honetan partidarako materiala aukeratu dute, nola sentitzen diren azaltzeaz gain.

Peñak 22-14 irabazi dio Bakaikoari Lau t'erdiko ligaxkako azken partidan. Hala ere, garaipenak ez du baliorik izan, ez baitzeukaten finalerdietara pasatzeko inongo aukerarik.

Peio Etxeberriak 10-22 irabazi dio Joseba Ezkurdiari Lau t'erdiko txapelketako ligaxkako azken jardunaldian. Etxeberriak garaipena behar zuen; Ezkurdiak, aldiz, tanto bakarra. Beraz, Aspeko bi pilotariak pasatu dira finalerdietara, Altuna eta Zabalarekin batera.

Taldekideak izanda ere, Peio Etxeberriak onartu du saiatzen ari direla Joseba Ezkurdia eta biak ostiralean jokatuko duten Lau t'erdiko final-laurdena normaltasunez eramaten. Elkarrizketa honetan kontatu du nola bizitzen ari diren neurketaren aurreko egunak.

Javi Zabalak 20-22 irabazi dio Jon Ander Peñari Tolosako Beotibar pilotalekuan. Partida oso gogorra izan da, eta emaitza horrekin,  bi pilotariak Lau t'erdiko Txapelketako finalerdietara sailkatzeko aukerarekin iritsiko dira azken jardunaldira.

Jokin Altunak enegarren erakustaldia eman du Astelena pilotalekuan, 22-8 irabazi baitio Joanes Bakaikoari, tanto ikusgarriak bata bestearen atzetik eginda, eta Lau t'erdiko Txapelketarako finalerdietarako txartela eskuratu du.

Peio Etxeberriak 22-6 irabazi dio Iker Larrazabali Lau t'erdiko txapelketako final-laurdenetako ligaxkan. Aspeko pilotariak hil edo biziko partida zuen, eta ondo egin du bere lana. Larrazabalek, berriz, oso zail izango du aurrera egitea, finalerdietara.

Bakaikoak 22-21 irabazi dio Zabalari Lau t'erdiko final-laurdenetako ligaxkan. 1-9 eta 6-14 galtzen joan ondoren, Etxarri-Aranazko pilotariak partidari buelta ematea lortu du.

Altunak 22-13 garaitu du Peña Lau t'erdiko txapelketako final-laurdenetako A multzoko lehen partidan.

Ezkurdiak eta Larrazabalek partida bizia jokatu dute Azkoitian, Lau t'erdiko txapelketako final-laurdenetako ligaxkako lehen jardunaldian. Azkenean, Arbizuko pilotaria nagusitu da 22-19ko emaitzarekin.

Larrazabalek 15-22 menderatu du Zubizarreta III.a 4 t'erdikoko final-zortzirenetako azken partidan. Hala, B multzoan arituko da, Jaka, Etxeberria eta Ezkurdia aurkari izango dituelarik.

Zabalak 4 t'erdiko final-laurdenetarako txartela lortu du Dario 19-22 menderatuta. Hasieran erraz irabaziko zuela zirudien, baina azkenean asko borrokatu behar izan du garaipena lortzeko.

Ezkurdia 4 t'erdiko txapelketako final-laurdenetako ligaxkan izango da, final-zortzirenetan Elordi 22-17 garaituta. Iaz lehiaketatik kanpo geratu zen, baina oraingoan bertan sartzea lortu du.

Ostiral honetan ipiniko da martxan aurtengo Lau t'erdiko pilota txapelketa. Hamabi pilotari lehiatuko dira Lasoren lekukoa hartzeko bidean. Berrikuntza batzuk ere izango dira: sakea lau t'erditik egin beharko dute, eta material-hautaketa partidaren egunean bertan egingo dute.