Irribarria-Rezusta vs Ezkurdia-Martija, bederatzigarren jardunaldiko lehen partida

Irribarria-Rezusta vs Ezkurdia-Martija partidak Binakako Txapelketako bederatzigarren jardunaldia abiatuko du bihar ostirala. ETB1en aurrez grabatuta emango da, gaueko 22:00etatik aurrera.

2020ko Binakako Txapelketako bigarren itzulia Jaka eta Zabaleta sailkapenaren buru zirela abiatzen bazen, zortzigarren jardunaldian, Aspeko bikoteak lidertza sendotu zuen, Irribarria eta Rezustari irabazi ondoren. 

Ezkurdia eta Martijak, bere aldetik, Elezkano eta Galarza menderatu zituzten eta, ondorioz, Altuna-Galarza bikotea aurreratu zuten taulan. Beraz, Ezkurdia eta Martija bigarren postuan daude eta Altuna eta Galarza hirugarrenean. Bi bikoteek Jaka eta Zabaleta baino bi garaipen gutxiago daramatzate.

Bederatzigarren jardunaldiko norgehiagokak, orduan, ondorengoak dira:

Ostirala 17: Irribarria-Rezusta vs Ezkurdia Martija (Buñuel, 20:00tan)

Larunbata 18: Olaizola II-Urrutikoetxea vs Artola-Imaz (Mungia, 18:00etan) eta Bengoetxea VI-Meriezkurrena II vs Laso-Albisu (Iruñea, 18:00etan)

Igandea 19: Jaka-Zabaleta vs Altuna III-Galarza (Eibar, 17:00etan)