Virginia Diaz Europako Txapelketako finalerako sailkatu da

Virginia Diazek Europako Txapelketako finalerako txartela lortu du bere finalaurrekoa irabazi eta gero. Orotara, bigarren markarik onena lortu du eta scull modalitatean dominen lehian arituko diren sei arraunlarien artean arituko da finalean.

Basque Teameko arraunlaria 8 minutu eta 6 segundoko markarekin nagusitu da bere txandan, Magdalena Lobnige austriarrari 4 segundoko tartea aterata. Lehenengo finalerdian aritu den Karolien Florijn herbeheretarrak 7 minutu eta 59 segundoko marka egin du, eta Diaz gainditu duen bakarra izan da.

Virginia harrituta azaldu da froga honetan izan duen errendimenduarekin eta, aurreko aldietan aurre egin dion txekiar aurkaria baino gehiago izan delako. Finala igandean jokatuko da, eta 30 urteko getxotarrak hirugarren kaletik ekingo dio lasterketari.