Bera Berak Valladolid izango du aurkari Erreginaren Kopako final-laurdenetan

Donostiako Miramar jauregiak Eskubaloiko Erreginaren Kopako azken faseko norgehiagoken zozketa hartu du asteazken honetan. Bertan, Super Amara Bera Berak hartu du parte etxeko talde gisa, eta Aula Valladolid egokitu zaio final-laurdenetako kanporaketan. Neurketa apirilaren 29an izango da, oraindik zehaztu gabe dagoen ordutegian.

Norgehiagoka hori gaindituz gero, hurrengo egunean Granollersen edota Atletico Guardesen aurka jokatu beharko lukete donostiarrek finalerdietan.

Txapelketa apirilaren 29tik maiatzaren 1era jokatuko da Gipuzkoako hiriburuko Donostia Arenan (Illunbeko zezen plaza).

Era honetan geratu dira kanporaketa guztiak:

Apirilak 29, ostirala

Super Amara Bera Bera vs Caja Rural Aula Valladolid (A)

KH-7 Granollers vs Mecalia Atletico Guardes (B)

Rocasa Kanaria Handia vs Costa del Sol Malaga (C)

Visitelche.com Elche vs Unicaja Banco Gijon (D)

Apirilak 30, larunbata

(A) kanporaketako irabazlea vs (B) kanporaketako irabazlea

(C) kanporaketako irabazlea vs (D) kanporaketako irabazlea

Maiatzak 1, igandea

FINALA

¿ ¡Aquí están los ¿¿¿¿¿¿¿ ¿¿ ¿¿¿¿¿ de la #CopaReina2022! ¿

¿¿ @BalonmaBeraBera : @BmAulaCultural
¿¿ @BMGranollers : @Atlguardes_ofic
¿¿ @BMRemudas : @BMMalagaCosta
¿¿ @cbm_elche : @CBLaCalzada

¿ @Ayto_SS @Gipuzkoa
¿ 29 Abril - 1 Mayo#SheLovesHandball pic.twitter.com/6216gxvZdB

— Guerreras Iberdrola (@IberdrolaDHF) March 16, 2022