Beste kirolak
Dopina
Kirol Arbitrajeko Auzitegiak lau urteko zigorra ezarri dio Iannoneri
Erredakzioa
Andrea Iannonek ezingo du MotoGP mailako Munduko Txapelketan parte hartu 2023ko abenduaren 17ra arte. Pilotu italiarrak positiboa eman zuen destranolona esteroideagatik.
-
Andrea Iannone, MotoGPko lasterketa baten. Argazkia: EFE
Kirol Arbitrajeko Auzitegiak lau urteko zigorra ezarri dio Andrea Iannoneri. Ondorioz, ezingo du parte hartu MotoGP mailako Munduko Txapelketan 2023ko abenduaren 17ra arte.
Iannonek positiboa eman zuen destranolona esteroideagatik 2019ko azaroan, Malaysiako Sari Nagusian, eta Automobilismoko Nazioarteko Federazioak 18 hilabeteko zigorra ezarri zion. Hala ere, Kirol Arbitrajeko Auzitegiak adierazi duenez, pilotu italiarrak "ezin izan du aurkeztu froga sinesgarririk", eta zigorra lau urtekoa izatea erabaki du.
Andrea Iannonek kutsatutako okela jateagatik destranolona esteroidea gorputzean zuela argudiatu zuen 2020ko martxoan Kirol Arbitrajeko Auzitegian, baina Dopinaren Aurkako Munduko Agentziak zigorra gogorragoa izan zedila eskatu zuen, azkenean hala izan delarik.
Hurrengo zuzenekoak
- Gaur
- AZ.
- OG.
- OR.
- LR.
- IG.
- AL.
|
Ez dago zuzenekorik |
-
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
